Зерендіге шақырамын!

Зеренді өлкесі ну тоғай-орманымен, шатқалы  мен  таулы  күмбездерімен әйгілі.  Бұл  жасыл аймақ тынық ормандарымен, хош  иісті шөптерімен  және қайын-қарағай сұлулығымен көз тартады.

Құстар мен балықтарға бай көлдер мен ормандар, шүйгін жайылымды жазық дала көне дәуірден бастап-ақ адамдардың назарын өзіне аударған болатын.

Жаз болса өзінің ыстық лебін әкеліп, жеміс-жидек пен саңырауқұлақтарын кең дастархандай жаяды.  Ал көл сулары балықтардың түр-түріне  молаяды.

Шын мәнінде, әсіресе, қазақ халқының дамуындағы нәр алған қазыналы қазығы, қадірлі қасиеттерінің бәрі де осы ауылда жатқан жоқ па Зерендінің жері, суы, сай-саласы, ауасы, табиғаты, аңы, құсы, жазы мен қысы, көктемі мен күзі, кімдерді тебірентпеген, таңырқатпаған. Осы жәйттерге орай туындаған шынайы  махаббат. Зеренді ауданы қазір кең алқапқа ие. Табиғаты таңдай қақтырар осы өлкеде талай-талай беті ашылмаған сырдың да, жырдың да бұғып жатқанына күмән жоқ.

Осы сұлу да махаббатқа толы жерді көріп, қарағайдың хош иісіне шомылғыңыз келсе – біздің Зерендіге ат мойының бұрып, демалуға келіңіздер!

Г.Қ. Жексебаева «Арайлы» бөбекжайының әдіскері