КӨРІСУ мейрамы бөбекжайда

Көрісу күнінде халық қыстан аман-есен шыққанына қуанып, бір-бірімен қол алысады. Таң сібірлеп атысымен, көрісу мерекесін асыға күтіп отырған әрбір отбасы алдын ала дайындалып қойған дастарханын жаяды. Міндетті түрде бауырсақ пісіріп, дастарханға тәтті-пәттісімен қосып үйіп қояды. Отбасының кішілері үлкендеріне қос қолын беріп, көрісіп шығады. Бір–біріне «Бір жасыңмен!» дейді. Ол «Бір жасқа есеюіңмен! Осы жылға аман-есен жетуіңмен!» дегенді білдіреді. 

Бүгін бөбекжайда балаларды ұлттық киім киген тәрбиешілер қарсы алып, ата-аналармен балалармен қауышып, құшақ жайып бір бірін құттықтады. Бауырсақтан ауыз тиіп, жылы тілектер айтқан ата-аналар жұмысқа жақсы көңілде кетіп жатты. Педагогтарға өз тілектерін ризашылықтарын желі топтарында жазып, ұлттық құндылықтарды  және ұлттық тәрбие нәрін бала бойына сінірген ұжымға өз риздығын білдірді.